د . سمر صمود تدعو إلى طلب النجدة الدولية وتنتقد بشدة تصريح المشيشي

د . سمر صمود تدعو إلى طلب النجدة الدولية وتنتقد بشدة تصريح المشيشي

أقرت الأستاذة الجامعية الاستشفائية المبرزة في المناعة بمعهد باستور تونس الدكتورة سمر صمود، بوجود جريمة ترتكب في حق التونسيين داعية كل من رئيس الجمهورية ورئيس الحكومة ورئيس البرلمان إلى أخذ الأمور بجدية وإعلان حالة الطوارئ الصحية.

وطالبت سمر صمود في تدوينة لها اليوم الأحد ( 27 جوان 2021 ) على الفايسبوك، بطلب النجدة الدولية وفتح كل المسالك الديبلوماسية لجلب التلقيح في الإبان.

وانتقدت صمود تصريح رئيس الحكومة هشام المشيشي الذي أكد فيها أن التلقيح بجرعتين يحمي من الحالات الخطيرة، معتبرة تطعيم 10،5 بالمائة فقط من المسجلين على منظومة ايفاكس استفزازا.

نص التدوينة:

يظهر لي وقيت بش الثلاثي الي شادد الحكم يؤخذ الأمور بغاية الجدية يعلن حالة الطوارئ الصحّية ، يطلب النجدة الدولية و يفتح كل المسالك الديبلوماسية لجلب التلقيح في الابان
نشريوها بفلوسنا أما تستعمل كل الوسائل الديبلوماسية لجلبها.

مش نستناو هو مليون بش يجي مع صابة القمح و الآخر مع اوسو و الاخر ما نعرفش وقتاش !
رانا منجيوش حومة في الصين !

كان تصير إرادة حقيقة، و العالم يقتنع بمساعدتنا كلنا نلقحوا في ضرف ثلاثة أشهر ! و التوانسة الكل يقيدوا و انا متحققة من هذا !

تونس الاستثنائية الي تحصلت على جائزة نوبل للسلام لازم تفيق من سباتها العميق و ترجع تطرق كل أبواب العالم و تجيب التلقيح !

اليوم فما جريمة ترتكب في حق المواطنين التوانسة !

و راهو يا سيد رئيس الحكومة باهي كي تفسر الي التلقيح بجرعتين يحمي من الحالات الخطيرة و انت مثال

أما راهو استفزاز كبير وقتلي 23,6% من التوانسة مقيدين في منظومة EVAX فقط 10,5% تلقاو جرعة منهم 4,23% تحصلو على الجرعة الثانية ، خاطر هاذم مواطنين توانسة مقتنعين و مقيّدين في المنظومة أما ما لقحوش خاطر ما فماش تلاقيح !

المواطنين هاذم خايفين ، على أنفسهم ، أما كذلك على عائلاتهم و على صغارهم ، و راهو لازم تعرفوا إلى الصغار زادة فوق ال12 سنة عندهم الحق في التلقيح في العالم و عن قريب الي اصغر

خاصة إلى بالسلالات الجديدة تمس كل الفئات العمرية و كلها معرضة للعدوى و الحالات الخطيرة مع التنسيب و الاولويات بالطبيعة ! و الي الجرعتين لازمين للحماية من الحالات الخطيرة و القاتلة

بالنسبة للزوز رؤساء الآخرين الحقيقة ما نعرفش كان في بالهم الي فما كورونا اصلا !
واحد نتفكروا في بالو كورينا

اترك تعليقاً

error: Content is protected !!