بوغلاب يكشف قضية فساد أضاحي العيد.. في عهد الترويكا..

بوغلاب يكشف قضية فساد أضاحي العيد.. في عهد الترويكا..

نشر الإعلامي محمد بوغلاب النص التالي على جداره في الفيسبوك:

“في 2012 زمن حكم الخليفة السادس، تم اجبار شركة اللحوم على استيراد 43 الف رأس غنم بمناسبة العيد، اوهموا التونسيين انهم يعدلون الاسعار من اجل عيونهم

الشركة قالت ما عنديش فلوس، قالولها احنا نضمنو فيك عند البنك ولا يهمك، فرضوا عليها شركة وسيطة مقرها حانوت دبش في اريانة ورجعولها الضمان 550مليون قبل اتمام الصفقة
تم استيراد 20الف علوش، وباعتهم الشركة ولاباس، قالولها تزيد 23 الف، الشركة قالت العيد قرب وماعادش نلحقو نبيعوهم، قالولها ولا يهمك، وزير الفلاحة بعث من عندو البياطرة لرومانيا للتعجيل بالصفقة، ما ثماش قطوس يصطاد لربي حتى في رومانيا

جاو 23 الف علوش نهارين قبل العيد، ما تباعوش، الشركة وصلت خلصت ع العلوش 48 دينار الليلة في مستودع بلدية اريانة، احد الولاة سرق علالش ما قيمته 125 مليون

النتيجة خسارة شركة اللحوم 4.5 مليار، واليوم وصلت بالفوائض ل 11 مليار واكثر

يلعن جد اصلكم جماعة مكافحة الفساد، وين راقدين؟ هاذم ما ريتوهمش؟

وينو هاك الرهط الي كان مادد كشختو وطحانتو في كل منبر اذاعة وتلفزة يصورو فيه على انو الاه النظافة والاستقامة؟

لا ويطرز لبوغلاب لانو حكلو الدبرة،

وينو الفرفوري متاع قرطاج؟

حتى حد ماهو فوق المحاسبة، لا رئيس ولا مرؤوس

ملا زنوس عايشين معاهم

كرهتونا في امها ها البلاد

كان الطحين والترهدين ومن بعد تحكيو على مكافحة الفساد

وهف يهزكم” ..

اترك تعليقاً

error: Content is protected !!