حسين جنيح: مسؤول أمني هددني واتهمني بالوقوف وراء احتجاجات سوسة

حسين جنيح: مسؤول أمني هددني واتهمني بالوقوف وراء احتجاجات سوسة

أكد النائب عن حركة تحيا تونس حسين جنيح أنه تلقى مكالمة هاتفية من مسؤول كبير يتهمه فيها بالوقوف وراء الاحتجاجات في سوسة وتسخير مجموعة الاحباء المناصرة للنجم الساحلي البريغاد روج لقيادة هذه التحركات.

وهذا ما كتبه جنيح:

اتصل بيا مسؤول كبير توا كلامو شطرو نصيحة وشطرو تهديد ما بين السطور على اساس فما مجموعة ملي خرجو في سوسة وراهم اني و جبدلي البريقاد روج و هكاللغة الي اي واحد مبتدأ يحك راسو يقولها كل ما يسمع حكاية فيها غناء متع كورة والا بريقاد روج و يبدى ماذابيه يبرر الفشل متاعو يقول حسين وراء الحكاية هاكي. نعرفوها.

اول حاجة يا سي المبتدأ راهو الاحتجاجات اول مطلب متاعها حلان البرلمان الي اني نائب فيه
ثانيا على الدزة هذه مالا تونس الكل الي خرجت اليوم وراها حسين

ثالثا العمى هذا متع تغطية الحقيقة وهي واضحة وضوح الشمس بش يزيد يغلطكم ويكمل يقضي عليكم

رابعا من اعز ما عندي الانتماء للبريقاد روج و عضو مؤسس فيها ولاخر الدنيا بش نقعد نحبها و نعاونها و نفتخر بيها

خامسا لغة التهديد المبطن آخر لغة تمشي معانا

سادسا و آخيرا اني موافق جل المطالب الي نسمع فيها تدور والناس الي ريتهم خرجوا في سوسة على الأقل ناس بعقولاتهم و ما يستناو في حتى حد بش يقوللهم شيعملوا و تغلطوا كان تسخايلوا العكس

اترك تعليقاً

error: Content is protected !!