نائب عن النهضة لسعيّد: حتى لا يكون انقلاب..هاذي ملفات فساد…اخدم عليها…وتو نصفقولك”

نائب عن النهضة لسعيّد: حتى لا يكون انقلاب..هاذي ملفات فساد…اخدم عليها…وتو نصفقولك”

توجّه النائب عن حركة النهضة ورئيس لجنة الفلاحة بمجلس نواب الشعب محز الحاج رحومة برسالة إلى رئيس الجمهورية قيس سعيد قدّم خلالها عددا من ملفات الفساد التي يجب إيلاءها أهمية قصوى.
وقال معز الحاج رحومة في تدوينته على صفحته الخاصة فايسبوك متوجّها إلى رئيس الدولة قيس سعيد: ”كان تحب بالرّسمِي تْحَارِب الفَساد يا سيدي خوذ عندك هاهم عدد من الملفات وبكلهم بالأدلة والبُرهان وبشهود عيان وكان تحب طبعا خاطر حكومة المشيشي الي جبتهالنا ما تفاعلتش بالجديّة المطلوبة وبقات الدوسيات محلولة ومعلقة”.

وأشار الحاج رحومة إلى عدد من الملفات التي نظرت فيها لجنة الفلاحة على غرار البذور التي أصيبت بالتسوس في قبلاط من ولاية باجة وملف الروز المسرطن وملف الموز وملف السكر والأعلاف وملف تضارب المصالح في مجلس إدارة الديوان التونسي للتجارة.

واختتم النائب رسالته بقوله: ”كان تحب تحارب الفساد نحاربوا معاك ونصفقولك يا سيدي حتى من البعيد نقولولك عليهم وبرا ريقل وحدك المهم حارب الفساد واللوبيات بشكل صحيح…وموش تمشي تعتقل في السياسيين وتكمم في أفواه معارضيك استجابة لبعض المرضى من الّي يزُنّو عليك”.

وفي ما يلي نص التدوينة:

حتىتكونثورةعلىالفساد
وحتىلايكونانقلاب حتىلاتكونمجردتصفياتسياسية
سيدي_الرئيس

كان تحب بالرّسمِي تْحَارِب #الفَساد يا سيدي خوذ عندك هاهم عدد من الملفات وبكلهم بالأدلة والبُرهان وبشهود عيان وكان تحب طبعا خاطر حكومة المشيشي الي جبتهالنا ما تفاعلتش بالجديّة المطلوبة وبقات الدوسيات محلولة ومعلقة :

دوسي البذور الممتازة المسوسة (متاع قبلاط/ باجة)عند قطب القضاء الاقتصادي والمالي شُوفهَالنا وين وصلت وكان تحب تعمل دزة في للقضاء توا تولي الامور 5/5 .

دوسي الديوان التونسي للتجارة مشينا وباشرنا وعاينا بأم اعيننا مئات الاطنان من الروز الفاسد والقهوة والحليب والبطاطا الفاسدة المستوردة والي اطيشت في الزبلة !! وطلبنا من هيئة الرقابة العمومية لدى رئاسة الحكومة باش تعطينا مخرجات تدقيقها ولم توافينا الى اليوم بنتائج التدقيق رغم الحرص والملف احيل على النيابة العمومية واكيد فيه تدخلات لان الامر يهم عدد من اللوبيات في الديوان .

دوسي_الموز الي استوردتو وزارة التجارة عن طريق الديوان وتباع للمساحات الكبرى باقل من سعر التكلفة اي نعم !!! وهذا موثق بالوثائق المحاسبية للديوان وهو ملف فساد …

دوسيالروزالمسرطن الي جابوه على دفعات والي التقرير الي تقدم بيه رئيس ديوان وزير التجارة في استماع لجنة الفلاحة وهذا منشور ومسجل بالصورة والصوت يأكد الي كل الكمية الي جات على دفعتين فيها نسبة من Aflatoxin بما لا يسمح باستهلاكه كليا وبعد يتم اخذ قرار بترويج جزء كبير من الكمية في الاسواق التونسية ويتم الاقتصار فقط بارجاع حمولة الباخرة الثانية الى بلد المنشأ !!!

دوسي_السكر ومنظومة الدعم فيه الي تمتعوا بيها رجال اعمال ويكلف ميزانيات الدولة مبالغ طائلة دون موجب حق !! وحكينا فيه وطالبنا التدخل للمحاسبة ولا مجيب

دوسي تضارب_مصالح
اعضاء في مجلس ادارة الديوان التونسي للتجارة عندهم تضارب مصالح صارخ !!!
معنتها شركاتهم تتمتع بعقود خاصة في السكر وفي تعليب المواد الغذائة وغيرها من العقود مع الديوان وهوما الي يقرروا هذه العقود من خلال مجلس الادارة !!! هذا طالبنا فيه النيابة العمومية بالتحرك وطالبنا كذلك هيئة الرقابة العمومية ومازلنا ننتظر …

دوسي_الاعلاف وضبط تسعيرتها والامر الحكومي المتعلق بادراجها ضمن المواد الغذائية الى تحدد تسعيرتها الدولة وما تخليهاش على ذمة اللوبيات الي عايثين في البلاد الفساد …عامين نعيطوا ولا مجيب من رئاسة الحكومة ومماطلة من وزارة التجارة …

دوسيات تهم ديوان الحبوب وتهم المطاحن الكبرى وتوزيع الدقيق المدعم واشكون يوخو في الدعم بدون موجب !!! ….

دوسي القروض الموسمية الي طالبنا بتخصيصها لديوان الزيت لانقاض موسم زيت الزيتون متاع صابة 2019 والي ما تعطات كان بعد فوات الاوان !! وما تمتع بيها كان الصحاح من رجال الأعمال والتجار الكبار وترحى فيها الفلاحة الصغار والمعاصرية الصغار الي ما ينجموش يخزنوا زيتهم على 6 شهور وبعد يرجع يتباع ويتصدر الزيت باسوام خيالية ….

سيدي_الرئيس
كان تحب تحارب الفساد نحاربوا معاك ونصفقولك يا سيدي حتى من البعيد نقولولك عليهم وبرا ريقل وحدك المهم حارب الفساد واللوبيات بشكل صحيح…
وموش تمشي تعتقل في السياسيين وتكمم في افواه معارضيك استجابة لبعض المرضى من الّي يزُنّو عليك…

اترك تعليقاً

error: Content is protected !!