شر الاعلامي بقناة نسمة حسان بالواعر تدوينات مؤثرة جدا على حسابه الخاص، يعبر فيها عن حزنه الشديد بسبب صراع والدته مع المرض الخبيث ووصولها إلى المرحلة الأخيرة، وأثارت تدويناته تفاعلا واسعا وتأثر التونسيين على صفحات مواقع التواصل الاجتماعي وهذا ما جاء فيها :

“صلوحة مازالت بيننا ..صامدة و تقاوم
جسدها و قوتها تخونانها .. و عقلها يصارع من أجل عدم الذهاب نحو غيبوبة نهائية .
لكن قلبها ينصت لنا و يبادلنا المحبة ..
تستمع لنا ..تتفاعل قليلا .. تبتسم احيانا ابتسامة ملائكة .
نغمرها برعاية كبرى و بحب عظيم ..
وهي تفعل ذات الشيء
شكرا لكل من اتصل . شكرا لكل من سأل ..شكرا لكل من يدعو لها .
اعتذر عن عدم الاجابة احيانا ..

هي لحظات ثمينة اقضيها في احضانها الدافئة .
يا .. يزي عادة ..قوم ..بوسني ..عنقني .. سبني ..صيح علي .. اضربني.. لفني بكف
الدنيا غدارة ..ما تكونش كيفها ..
مش وعدتني .. بش نكملوا مع بعضنا ..
كون عند كلمتك ..راك عمرك ما جبدت بيا ..
صلييحة راني بش نموت معاك ..هك تعلم ..
عشنا مع بعضنا .. نمشيو مع بعضنا ..
موجوع .. موجوع برشة
نحس في نار اكاهو..نار ..نار
يخفف عليك يا روحي ..

لا يوجعك يا عينيا ..
مهما صار ..انت بش تبقى ديما بطلة الأبطال ..
نعرف انك عمرك ماك بش تقرا الكلام هذا ..
اما راك اللي عملته و اللي قاومته . بش يخليك مثل للناس الكل ..
انت راك خلقت مفهوم جديد للمحبة ..و للقوة والصبر
بش تبقى بعد عمر طويل ان شاء الله .. هك السوبر صليحة اللي بال45 كيلو .. تلاطخت مع اسقط مرض في العالم ..نحاتلو جد والديه .. هبلته..انت راك ماكش أمي ..

إنت راك أنا مطول شعره …
إنت راك خويا .. و أختي . انت راك عشيرتي ..
انت راك بنتي ..لا ..انت راك انا …”