بالفيديو / بوبكر بن عكاشة يتضامن مع ‘رمزي هل تعلم’ ويغادر موزاييك بعد تجربة دامت 20 سنة
أعلن الإعلامي بوبكر بن عكاشة اليوم الأحد 13 مارس 2022 عبر تدوينة نشرها على حسابه الخاص، عن مغادرته لإذاعة موزاييك بعد تجربة دامت قرابة 20 سنة وذلك تضامنا مع زميله رمزي عبد الجواد.
و في تدوينة له كتب “نتذكر أول نهار في نوفمبر 2003 … عمري 22 سنة …و نتذكر بوكي احلى الكلام و ترهويجة و اهلا بيكو و اشهارات البرمجة و وليت الصوت الرسمي لموزاييك أف أم … نتذكر تجربة إدارة البرمجة 9 سنوات و برشة أفكار خدمناهم و نجحنا فيهم … نتذكر برشة زملاء خدمنا و تعبنا مع بعضنا
نتذكر هندسة سايس خوك و نجاحها في صيف 2009 و كان معانا نصر الدين بن مختار يرحمو .. نتذكر سهرات ليلة راس العام و رمضان شو أنا و هادي زعيم ..و بعد جات ميدي شو كانت ثقافية ..نتذكر ليلة 14 و 15 جانفي و حتى ل18 جانفي و قت خذيت المسؤولية و نجحنا مع عديد الزملاء باش نتعداو لمرحلة جديدة وقت ما فما حتى تأطير إداري مباشر . نتذكر معاركي و الصعوبات و الخلافات . عملت برشة أغلاط و عملت برشة نجاحات . و نعتبر من أهمها à la page مثلا .. و على كل لسان في نسخته الحالية هو من أفضل تجاربي من حيث القيمة المضمونية . ماهوش ساهل أنك تخدم دائما من أجل النجاح و تحط مصلحة المؤسسة اللي تخدم فيها قدام عينيك . تخدم بلاش أنانية و بنظافة .. و المسؤولين يعرفو مليح هذا .
بعد ما يقارب 20 سنة من الانتماء روحا لموزاييك … عملنا غلطة و ماهياش أول مرة تصير و ما تم اتخاذ حتى قرار .. ولات قضية أكبر من حجمها ..لانها غير مقصودة و الناس الكل تغلط …
يظهرلي حان الوقت لأخذ قسط من الراحة من العمل الاذاعي في موزاييك و خوض تجربة أخرى .
و اعلان نهاية الرحلة … حظا سعيدا للجميع .
وأضاف في تدوينة أخري :”شكرا لكل الاصدقاء على التفاعل .
العقوبة في حقي نسامح فيها ..أما في حق فريقي و أولادي و بالطريقة الاي تم اعتمادها ..فهذا غير مقبول . و كأنها جريمة في حق الانسانية .. اللي ما يعرفش يحمي أولادو ..و يعامل ناس سنة و ناس فرض يدخلك الشك … و كأنو راسك مطلوب ..تفضل هاو راسي و رتحني . كي يطير الكيف ماعادش نعطي حتى اضافة ..”
وكانت إذاعة موزاييك قد قررت إيقاف الكرونيكور رمزي عبد الجواد عن العمل و إلغاء فقرة “اعطيني حل” من برنامج “على كل لسان” الذي يبث على الإذاعة و ذلك إثر تسرب عبارة غير أخلاقية في الفقرة المذكورة.
