بالفيديو / إنتقادات لإذاعة شمس أف أم بعد استضافتها لـ”حمدي العوق” في أحد البرامج

تعرّض الإعلامي سهيل الغيداوي لإنتقادات لاذعة على مواقع التواصل الإجتماعي، وذلك بعد استضافته اليوم الثلاثاء 22 مارس 2022 في برنامج “مروحين” على إذاعة شمس أف أم للتونسي المقيم بالخارج “حمدي العوق” الذي عرف بمقاطع فيديو يقوم بنشرها على مواقع التواصل.

وانتقد رواد الفايسبوك استضافته له واعتبروه لن يقدّم أي إضافة وليست له أي صفة معلقين :”في الزريبة الي نعيشوا فاها نعطيو وقتنا للجهلة و المتخلفين و ندفنوا تلميذ صغير وصل للمرتبة الثانية في العالم للمخترعين… في البلاد هذي تظلموا رواحكم كيف تجيبوا فاها صغير في مجتمع ما يعطي قيمة كان للتافهين..”.

من جهته رد الغيداوي على الانتقادات الموجهة إليه وكتب على صفحته :

العوق يعمل في نسبة مشاهدة كبيرة و جبتو حبيت نفهم الموضوع … إنسان بسيط يحكي على طبيعته ..

جاء بحذانا لعب بنت ولد و دردشنا شوية و روح على روحو ..

علاه قدمتهولكم فنان ؟ ممثل ؟ عالم ذرة ؟

للتذكير مكانش حوار كانت لعبة و شوية تفدليك و روح على روحو .. اما برابي كي نجبو ناس تسوى بالبلاد اعملو تعاليق شكر و يعطيك الصحة .. ما زعام كان تسبو وقت السبان .. وقت الشكر ما تلقى حد …

بالمناسبة استناوني في الحوارات في رمضان في برنامج ساهرin و ان شاء الضيوف يعجبوكم و خصوصا نلقى الشكر في التعاليق