بالفيديو / حاتم بلحاج منفعلا :”يا دالي النهدي التوارخ عندي.. ولا انت لا بوك لا خوك تستحقو…” والأخير يردّ..

بسبب حضور الممثل محمد علي النهدي على إذاعة إي أف أم مع محمد الخماسي وانتقاده لحاتم بالحاج، انفعل هذا الأخير في برنامج فايقين على المباشر وقال :”تكون قاعد مسالم تلقى حد يسب فيك وعندو كمية كبيرة متاع حقد وكره.. الفن هو انك تحب الحياة وتحب الآخر وتنحي الغل.. ما نحبش نسميه خاطر لا هو لا بوه لا خوه يستحقو باش نسميهم..”

ثم طالب بلحاج بتغيير الكرسي الذي يجلس به بتعلّة أن محمد علي النهدي جلس عليه في الليلة السابقة، وسط ضحك كرونيكورات الحصة.

وأضاف قائلا :”أنا مسالم أما حد كي يحب يبربشني مرحيا بيه.. وراهي التوارخ الكل عندي.. ياخي الي ما تعيطلوش في كاستينغ خاطر ما يعرفش يمثل يولي يسبك..”.

وردا على ذلك نشر محمد علي النهدي مقطع فيديو على حسابه الخاص قال فيه :”أرائي والشي الي قلتو من قلبي وبكل تربية وبكل أخلاق.. للأسف سي وخينا حاتم بلحاج تغشش برشا وما حبش حتى يقعد في الكرسي الي قعدت فيه.. عبدكم البسيط محمد علي النهدي راهو ما يخاف من حد.. وهاك البلاتو الي تتضيحكو فيه كانكم “جدعان” قال الراجل استدعاوني خلينا نحكيو مباشرة.. وأنا راو الي في قلبي نقولو انت عملت عملة ما تتعملش حرفيا وجيت أنا نقدتك في عقر دارك والبلاتو الي تخدم فيه..”.