فاتن الفازع تعبّر عن دعمها لمسلسل براءة :”التوانسة فيبالهم الفن تابع لوزارة الشؤون الدينية..”

أثار المسلسل الدرامي “براءة” الذي يعرض حاليا في الموسم الرمضاني على قناة “الحوار التونسي” للمخرج سامي الفهري، الكثير من الجدل بسبب تناوله لقضية الزواج العرفي المجرمة في القانون التونسي.

وقد عبّرت الكاتبة المثيرة للجدل فاتن الفازع عن دعمها للمسلسل مهاجمة المنتقدين وقالت في تدوينة نشرتها على حسابها الخاص :”فمّا مشكل كبير عند التوانسة هو أنّو يسخايبو أنو الفن تابع لوزارة الشؤون الدينية والا الاجتماعية..

راهو الفن موش مجعول باش يربينا وإنما الهدف متاعو يقلق ويزعزع الثوابت وموش كل حكاية تتحكى والا تابلو يترسم والا غناية تتغنى لازم يكون عندهم أهداف سامية والتلافز الخاصة المستشهرين يمولوا فيهم ولذا ماهمش مطالبين باش يعملوا حاجة “عائلية” ..

والعايلة في حد ذاتها ما فيها حتى حد يعرف بالضبط كلّ فرد فيها فاش قاعد يعمل وآش مخبّي خاطر المصايب الي نراو فيها الكل يعملو فيها عباد جايين من عايلة هوما بيدهم.. الفنّ لا يوضع على محك الأخلاق، الفنّ حرية أو لا يكون..”.