بالفيديو / “علي كحلة” باكيا : أولادي في الخارج تفجعو عليا برشا.. والشعب التونسي نساني في الوجيعة

استضاف برنامج “لاباس شو” على قناة التاسعة، منظم أكبر موائد الإفطار الخيرية في تونس “علي كحلة” الذي تعرّض للطعن من طرف منحرف في أول أيام رمضان، وتحدّث بألم عن تفاصيل الحادثة وتأثر حدّ البكاء خاصة عند حديثه عن إبنه وإبنته :”أولادي يعيشو في الخارج تفجعو عليا وولدي زعمة باش يروح من أمريكا ويحطم مستقبلو.. ليلتها باش يهبلو كي سمعو بالخبر.. ومرتي مصبحة قدام الكلينيك.. وجيعة كبيرة والشعب التونسي نساني في كل شي”.

وتحدّث بألم عن تفاصيل الحادثة قائلا :”يضرب فيا ويقلي تشد عليا كعبتين ياغرت.. الضربة الأولى كي ضربني في وجهي قتلو علاش هكا، أنا دخت وطحت وباقي يضرب فيا زادلي ضربتين أخرين.. ويحكي للعباد قلهم راني نحب ندخل للحبس خاطر ما لقاش باش يشري الدواء.. ان شاء الله ربي يشفيه وربي معاه رغم كل شي أنا نتمنى يتلهاو بيه ويرجع للبوكس والله تنمنالو كل خير.. أنا نخدم ونعمل في الخير وهذاكا نوكل فيه كل يوم موش كان في رمضان.. وراو ضارب برشا عباد في الحومة بخلافي أنا.. وكي باش يزيد يخرج باش يعمل اكثر من هكاكة”.