بالفيديو / “حبيب الباي” يكشف كواليس إيقافه :”ما نحبش نخمم إنهم وقفوني بسبب اللحية خاطر تولي عنصرية..”

كشف الشاب التونسي الاكثر جدلا في رمضان هذا العام “حبيب الباي” في حوار اعلامي حصري حول كواليس ايقافه الفجئي عن العمل وغلق مورد رزقه المتمثل في “العربة المجرورة في الشارع” ، ان ذلك بالذات كان من افضل ايام شهر رمضان له في العمل بسبب قدوم الكثير من الاشخاص ومن كل مكان لتذوق اكلاته التي اشتهرت على منصات وسائل التواصل الاجتماعي.

مضيفا :”من احسن الايامات الي ريتهم في باب الخضراء الناس جاتنا من كل بلاصة ما شاء لله، قدر الله جاء الحاكم و وقفنا على الخدمة والسبب كي تجي تشوف قانون هوما يعني سلطة تنفيذية الي جاو ومعندك ما تحكي معاهم.. عندهم الحق يخدمو على رواحهم واحنا نعاونوهم على خدمتهم مدام في اطار القانون فامتثلنا للامر و وقفنا الخدمة.. نعتذر للعباد الي وقفت واستانت برشة وجاتنا من بعيد ومخذاوش سامحوني موش بيدينا”.

وتعليقا على الاخبار التي تلمح الى ان ايقافه كان من اجل “اللحية” بالاساس وليس من اجل الانتصاب الفوضوي قال الاخير :”انا منحبش الي نخمم انو الحاكم جاء خاطرني انا عندي لحية والا خاطرني انا نصلي.. الافكار هاذوما نتجنبهم ونتجاوزهم ، وكان بالحق الموضوع صار هكا الحكاية تولي عنصرية وتولي برشة حاجات خايبة وسط بلاد من المفروض انها تعيش بحرية ونتعايشو فيها الناس الكل محلانا وربي يهدي”.