بالفيديو / سنية الدهماني : “ما فماش علاش الرجل ينفق على مرتو كي تبدا تخدم وعندها شهرية..”

قالت المحامية والإعلامية سنية الدهماني في برنامج “تالك شو” على إذاعة ديوان أف أم أن مجلة الأحوال الشخصية تعتبر مكسب لا يمكن التفريط فيه في تونس وما ورد فيها لا يمكن لأي شخص القيام به إلا الحبيب بورقيبة آنذاك، ومن بين ذلك المساواة بين المرأة والرجل في الطلاق، ووحرية اختيار المرأة لشريك حياتها وغيرها من المسائل الأخرى.

وأضافت الدهماني :”الي يهمنا اليوم هو إنه الرجل متاع 1956 موش نفسو الرجل متاع 2022.. المرا كانت شادة الدار وتربي الصغار والراجل يخدم ويروح يفطر وحدو وما يقعدش مع صغارو.. اليوم المرأة خرجت وولات تخدم وعندها دور فعال في المجتمع ونحن ننادي بالمساواة وعندما ننادي بها يلزمنا نكونوا منسجمين مع رواحنا فلذلك علاش الأب ينفق على مرتو وهي تخدم وعندها شهرية وزيد ساعات تلقاها شهريتها أعلى منو..”.

وتابعت سنية الدهماني :”ما معنى أن يكون للزوج من يحضن من النساء؟ يعني الراجل ما ينجمش يربي صغير؟ ثم علاش الراجل ما ينجمش يشوف ولدو في أيام العطل.. كيفاش باش يربي ولدو ويعلمو.. هذا الكل خاطرنا ماشين بفكرة الي الراجل يصرف اكهو وغير قادر انو يتلهى بصغارو”.