بالفيديو / زهراء فارس : نور الدين الكحلاوي قلي كي نستحق راقصة نكلمك.. قتلو راني عاملة ماستار 6 سنين

تحدّثت الفنانة زهراء فارس خلال استضافتها في برنامج فكرة سامي الفهري ليلة السبت عن أحد الفنانين الشعبيين الذي فاجأها بإحدى الإذاعات وطلب منها رقم هاتفها للعمل معه كراقصة،

وأضافت فارس :”نعرفو ونعرف عايلتو وأنا تفاجأت كي سألني مع شكون نخدم وقتلو مع الناس الكل وقالي خليلي نومروك ساعات نستحقك راقصة وكيف قالهالي أنا تكونسيت … إلي فاجأني هو أنو شخص نعرفو ودخلت لدارو …

هو نورالدين الكحلاوي وفنان كبير وقامة وفنية ونحبو برشا وأنا تفاجأت برشا وممكن ماعرفنيش وهو يمن برشا بالشهائد العلمية ونعرف بناتو فقتلو سي نورالدين راني أنا عاملة ال maîtrise متاع 4 سنين وعاملة ماستار متاع 6 سنين وان شاء الله توا نحضر في thèse متاعي وراني عاملة 5 كليبات … كي قدمتلو نفسي فرح وكاينو حشم شويا كيف قتلو راني صاحبة بناتك … أنا خذيتها من الجانب الإيجابي”