بالفيديو / نرمين صفر :”الغناء والرقص يتقص من برنامج نوفل.. أما طلع ساقيك وكول الجيلاط عادي”
مباشرة بعد مرورها مساء يوم أمس السبت 4 جوان 2022، مع نوفل الورتاني في لاباس شو، نشرت الراقصة الاستعراضية نرمين صفر مقطع فيديو تهاجم فيه القناة المذكورة ونوفل الورتاني إثر حذف مقطع رقصها وهددت بمقاضاة القناة :
“قناة التاسعة كيما قصيتو الرقص و الشو انا و الراقصات الي ما تمش خلاصهم فسخو باساجي الكل و الا بش نقاضيكم.. قمة النذالة والسقوطية أنا جاية باش نقدم العرض متاعي تسأل فيا في أسئلة تحب تعمل البوز وبعد تحذفلي مشهد الرقص قال شنوة عريانة، وقبلي عديت جماعة من روسيا يشطحو وعادي”.
وأضافت نرمين مهاجمة نوفل الورتاني :”الرقص والغناء يتقص من برنامج نوفل الورتاني على قناة التاسعة يضر الجتمع !! أو حرام ؟؟ أما طلع ساقيك وهبط ساقيك؟!!! كول الجيلاط !! مشاهد ثقافية تفيد الإنسانية كنتو تلحلحو يمدير أعمالي باش يجيب الراقصات ونجي توا سنصرتو اللقاء وما تهزوش التلفون ما أخبثكم”.
