بالفيديو / زوجة عمار الجمل :”حماتي دللتني ما غسلتش الدوارة.. وفرحوني كي دخلولي كلبتي في العرس”
في حديث مطوّل مع الانستغراموز Rourouette زوجة عمار الجمل على ديوان اف ام، كشفت عن جملة من النقاط التي حامت حول زفافها من اللاعب السابق عمار الجمل و الذي تداوله عديد النشطاء على الفايسبوك وقالت :”
– مانيش باش نقول غسلت الدوارة وعاونت حماتي ، ماعملت شي يكمل عليا هكا هكا بيا مشيت ضيفة
– كهو عروسة جديدة ، ماعندي وين هاربة منها الدوارة
– عرسي كان اختيار مني أنا وأنا من قبل نموت على الجلوة الصفاقسية وتنڨيز الحوت والوهرة والكار فحبيت نعملهم الكل
– هو عطاني الطوع وكان يكتشف معانا في العادات الصفاقسية ونقولولو شنوة نعملو وعجبوه علخر
– من عادات السواحلية اكتشفت إلي الراجل عندو الحنة متاعو ماكنتش نعرف
– السواحلية في العيد ماعندهمش البازين والقلاية كيفنا أما محلاها لمتهم وأنا جاتني صعيبة في أول عيد موش مع دارنا
– إلي تبعوني على إنستغرام يعرفو إلي أنا عديت عرس كامل نبكي على العايلة وأنا متعلقة بيهم برشا أما heureusement كنت bien entourée وفرحانين بيا تعدالي نهار العيد خفيف محلاه
– ماكلتهم بنينة وعندهم ملوخية ياسر بنينة وماكلة حماتي بنينة وماكلة ماماتي بنينة
– أكثر مفاجأة فرحتني كي دخلولي ريتا الكلبة متاعي ماكنتش نتصورها يعملوها
– ماكنتش متوقعة جملة العرس يعمل صدى هكا وأحنا صحيح برطاجينا الفرحة متاعنا مع لعباد spontanément
– بالنسبة ليا الانستغرام الفترينا متاعي نحط فيها الحاجات المزيانة
– فما لحظات مانصوروهمش ومانهبطوهمش على إنستغرام
– عمار مستانسين بيه رزين وايامات العرس اكتشفنا الفنان إلي فيه يدربك ويغني وحفللنا العرس
– في دار صاحب عمار في الليل جاهم سارق حب يكسرلهم شبابك الكرهبة والعروس خرج حافي كي البطل
