المشجعة التي تعرّضت لحملة تنمر بسب صورة لها تروي معاناتها بعد العودة من قطر (فيديو)

المشجعة التي تعرّضت لحملة تنمر بسب صورة لها تروي معاناتها بعد العودة من قطر (فيديو)

تدخّلت المشجعة التونسية التي تعرضت لحملة تنمر على صفحات التواصل الاجتماعي بسبب صورة لها التقطت في مقابلة تونس واستراليا في برنامج في 60دقيقة مع هدى الورغمي ،على ديوان اف ام وقالت

مشيت نتفرج كيما اي تونسية تشجع في بلادها تشجع في ارض الوطن على خاطر نحب بلادي برشا ،لاني نسكن في قطر و لا نعيش فيها قصيت كيف التوانسة باش نمشي نتفرج في الماتش على 3 ايام ونروح رابع يوم كنت مركزة عالماتش نلقا صحافي ولا منعرش شكون صورني بالقصد غيرلي ملامح وجهي

انا منيش هكا كيما التصاور لي هبطهم ..معقلتش روحي ،انا شنوة عملت و شنوة ضريت بيه الناس ، لقيت الناس كل يحكيو بيا ،شكون شاف لي صار عليا وقت الي قصيت مع وكالة اسفار قلبتني في فلوسي ، خلصت على 3 ايام مشيت نلقى عندي الحق كان في 24 ساعة وليلة الماتش ماضي 3 متاع الليل نلوج في اوتيل وين نبات وقطر معبية.

هو مركز في الماتش ولا مركز معايا انا.. تونس كل تتنمر عليا وتحكي عليا ..لبستي محترمة شادة ولدي في يديا ..نشجع كيما اي مواطنة تونسية شنوة لي عملتو ،الناس لي تعرفني الحمد لله واقفين معايا وعارفيني بالف راجل ..

نغزر لولدي و نغزرو لبعضنا شنوة عملنا احنا ..انا عندي ولدي متحصل على اجازة وولدي لاخر اعدادية يقرا،علاش ولدي يقولولو صحابو امك وما امك ويقلقو فيه ،نلقى تونس والدزاير والسعودية و ليبيا يحكيو عليا وعايلتي تمست نقول “حسبي الله ونعم الوكيل ولا حول ولا قوة الا بالله .

كان جيت نعرف شنوة باش يصيرلي مانمشيش ..من التحيل متع الاجونس للتنمر للي صار فيا ..علاش هذا كل شعملت

error: Content is protected !!