بالفيديو / تلميذ ينهار باكيا :”أنا زادة تلزيت نبطل القراية بسبب مهذب الرميلي.. أهانني وحقرني”

تحدّث أمين السلايمي أحد تلاميذ معهد الفنون بالعمران في مقطع فيديو نشره على حسابه الخاص عن مغادرته للمعهد نهائيا منذ حوالي شهر موضّحا الأسباب الحقيقية وراء ذلك، مؤكدا أن الممثل والأستاذ مهذب الرميلي هو أحد الأسباب.

وتحدث معلّقا عن قضية نور عمار التي تم طردها هي الأخرى بداعي العقوبة و أكّد أنه من المحزن أن يسلك طريقا صعبا لتحقيق أحلامه ليتم اجباره على مغادرة المعهد والتخلي عن أهدافه وأحلامه، و قال يتأثر كبير موجها كلامه لمهذب الرميلي :

“من المؤكد قاعد تشوف في اللايف .. ليلة كاملة نبكي و نتحمل كل مسؤولياتي فلي نحكي فيه لاني باش نجبد أعراض ولا نسب و لا باش نجبد اي شي انا غادرت معهد العمران لبرشا أسباب وللأسف أستاذ مهذب رميلي انت من بين الأسباب وراني لتوا مقهور”.

وأضاف :”آخر حصة قريتها عندك نتفكر الكلام اللي قلتهولي وأثر فيا برشا …راهو الحضور في التلفزيون و الافلام يعطي صورة جميلة مش كيما الواقع نهار الاول وريتنا الوجه الملائكي .. ليلة كاملة نبكي خاطر الناس الكل تعرف هي كانت حلمة باش وصلتلها و كنت الوحيد اللي بعيد على دارنا مانشوفهمش بالشهرين ومضحي..”.

و واصل حديثه باكيا :”انا كنت ديما في الصفوف الاولى والناس تشهدلي و لا عندي في خصومات سياسية وادارية، سوء تصرف من الاستاذ تخاطب فينا بكلام سيئ.. انا نهار الي مشيت نقرى في المعهد امي باعت ذهبها باش شراتلي دبش وفاليجة نقرا كيف اندادي خاطر بابا و ماما مطلقين .. تعرضت للاهانة و التقزيم و تقلي انت ناقص نضج يا سي مهذب..”.

وقد أثار ذلك جدلا واسعا على صفحات مواقع التواصل الاجتماعي وتفاعل معه التونسيين مطالبين بتوضيح من الأستاذ.