آمنة فاخر :”التحاليل أكدت إنو الشامبو هو الي ضرني.. وباش نقوللكم على إسمه” (فيديو)

نشرت الفنانة التونسية آمنة فاخر اليوم الثلاثاء 20 ديسمبر 2022 مقطع فيديو على حسابها الخاص على موقع التواصل الاجتماعي أنستغرام تحذّر فيه من ماركة تونسية تبيع “برودويات” تسبب حساسية وأمراض خطيرة.

وقالت آمنة أنها استعملت شامبو من تلك الماركة فخلّف لها مضاعفات خطيرة وكشفت التفاصيل محذرة التونسيات :”

صباح الخير جيت باش نحكيلكم على حاجة خطيرة برشا يلزم نحكي فيها توا معادش فيها.. شعري كان يطيح ووحدة من صحباتي قتلي استعمل الماركة هذي طبيعية وتنجم تكون باهية”.

وأضافت :”لازم تشوفو شنوة صارلي في لحمي أول ما استعملتو.. بدالي الحكان في راسي وبعد هبطلي على لحمي الكل وطلعولي بلايص حمر.. منظر ما نحكيلكمش حاجة توجع القلب ووصلت يتسدلي النفس.. ردوا بالكم يا البنات الماركة مشهورة في تونس وبرشا بنات ماخذين منها وبرشا أنستغراموزات يخدمو معاهم ويسوقولهم في برودوياتهم.. راهم يمرضو حتى بالمرض الخايب”.

ونشرت آمنة لاحقا مقطع فيديو جديد أكدت فيه صدور التحاليل التي أجرتها وتأكدها أن المضاعفات التي حصلت لها سببها ذلك “الشامبو” الذي استعملته وقالت آمنة :”مازلت كي خذيت نتيجة التحاليل وتأكدت الي هو من البرودوي الي حكيتلكم عليه.. كلمت المحامي وباش نقدم قضية وراني باش نقوللكم على اسم البرودوي شنية مانيش باش نخليكم هكاكة”.