مواطن تونسي :”وروسكم يا رجال وقفوني في المطار على لعبة جبتها لولدي.. قالولي جايب درون” (فيديو)

تداولت صفحات مواقع التواصل الاجتماعي عشية اليوم الاحد 5 فيفري 2023 ، تدوينة صادمة لمواطن تونسي تم إيقافه في مطار تونس قرطاج اثناء عودته الى ارض الوطن بسبب لعبة تتمثل في طائرة صغيرة الحجم، جلبها لإبنه.

وقال صديقه حول تفاصيل الحادثة :”و روسكم يا رجال ويا نساء ، هاذي وقفو صاحبي علاها في المطار وعطلوه ساعتين .
ملول هزوه و قالولو استعرف اش جبت معاك ، و ما قالولوش ملول شنوا المشكل و لا شنية لقاو.

و بعد هرسلة و انتظار و هو يخمم ، شك في روحو اصل ، ومشا في بالو حطولو حاجة في فاليجتو .

الحاصل بعد ناداوه و لقا الفاليجة مفرتة ، قالولو drone هاذي و باش نعملولك محضر .

حاول يفهمهم ، قاللهم راهي لعبة لولدو صغير ، و حكا معاهم شي ، كي ما حبوش يفهمو .

قاللهم باهي يا سيدي drone هاذي تراه طيروها ..”.