مايا حول مسلسل فلوجة :”ذكرني في صغري.. صارلي كيما أمل بالضبط وهذا الي عملوهولي”

نشرت الفنانة التونسية مايا تدوينة على حسابها الخاص انستغرام مشاركة تجربتها الشخصية مع التنمر في مرحلة الثانوية أين ذكرت بأنّها كانت عرضة للتنمر من طرف زملائها وأنها لم تتمكن ابدا تجاوز الموقف أو نسيان ما حدث معها، مؤكدة أن مسلسل الفلوجة ذكرها بما مرّت به.

وقالت مايا في نص التدوينة :”شفت لقطة في مسلسل الفلّوجة ذكرتني في صغري انا كي كنت نقرى فالليسي تعرضت للتنمر عمري ماننسا كيفاش يتمقعرو عليا كيفاش قراية و عاقلة و كيفاش ديما نشارك في الإجابة في القسم و نحب ديما نصلح التمارين في السبورة و الا زادة على لبستي خاطر ماما تلبسني ديما ستريكت من الابتدائي حتى الاطوار الاخرى و شعري ديما ضفرة و منديلة كلها مسكرة .. كان فما جماعة ولاد و بنات يقراو معايا ديما عاملين فيا، يدزوني يطيحوني و مرة يفكولي الادوات متاعي و مانجمش نشكي على خاطر ينجمو يضربوني نولي نسكت و حتى باش نبكي… نبكي بساكتة و نبدا نستنا وقتاش نروح للدار و مانرتاح كان كي نشوف أمي و بالطبيعة مانحكيلهاش..”.

و أضافت :”جاء نهار الي حبت تهنتلني وحدة تقرا معايا مالقروب باش تضحكهم عليا اما انا دافعت على روحي وقالها حسيت بإنسانة اخرى تخلقت فيا و تعلمت اللي jamais نسكت على حقي مهما كان! عمري ماننسا اللي حسيتو … و عمري ماننسى الوجيعة اللي نحسها و انا مروحة نبكي و مكسورة من داخل .. وحتى اللي تنمرو عليا عمري ماننسى وجوهم”.