وفاة مسترابة لمستشار سابق برئاسة الجمهورية : ظهور اسم رجل أعمال نافذ متهم بالفساد والتحيّل
أذنت النيابة العمومية بالمحكمة الابتدائية بتونس يوم السبت 06 أوت 2022، بفتح بحث أمني للكشف عن وفاة “مسترابة” لمستشار أسبق برئاسة الجمهورية ،اثر سقوطه المفاجئ أمام مقر قصر العدالة بشارع باب بنات بالعاصمة ووفاته على عين المكان، وأفادت ذات المعطيات أن الهالك تناول قهوة بمقهى قريب من المحكمة في انتظار فتح مقرها وعند فتح أبوابها للعموم نهض من مكانه وغادر المقهى متوجها الى الباب الرئيسي للمحكمة وعند قطع الطريق سقط بصفة مفاجئة ليكتشف المارة وأعوان الأمن المتواجدون بالمكان أنه توفي على عين المكان .
ومن جانبه، كتب الأستاذ مبروك المدوري محامي المستشار الأسبق برئاسة الجمهورية تدوينة عبر حسابه بالفايسبوك كشف فيها معطيات جديدة وحقائق مروعة ..
منوبي الذي سبق تقديمه لشكاية ضد شخص معروف تحيل عليه في عصارة حياته و غنم منه بمبلغ قدره سبعة مليون دينار تقريبا و صدرت ضده احكام بالسجن لمئات السنين فمكنه من تسبقة مقابل شهادات خلاص و صكوك جديدة عويضية مقسطة لديه و ليتضح فيما بعد انها مدلسة و لتجرى الإختبارات بمخابر وزارة الداخلية و يثبت تدليسها من رجل الأعمال المعروف و ليعيد قلم التحقيق اجراء اختبار ثان أكد عملية التدليس و حين اصداره لقرار في تحجير السفر ضده يقع الرجوع فيه استئنافيا و يقع التجريح في قلم التحقيق من قبل رجل الأعمال فيسحب منه الملف و يعهد به لقاضي تحقيق اخر الذي يتولى استدعاء رجل الاعمال المذكور فلا يمتثل و يبرر ذلك بشهادات طبية تفيد أنه طريح الفراش و الحال أن قلم التحقيق يشاهده في التلفزات و يسمعه في الاذاعات في المباشر فيصدر بطاقة جلب و قرار في تحجير السفر ضده فيكون رد الفعل تجريح جديد فيه فيسحب الملف من جديد منه و يعهد به لحاكم تحقيق ثالث و رجل الأعمال دائما في حالة سراح و بطاقة الجلب لا تنفذ و هو حاضر اذاعيا و تلفزيا…..حاكم التحقيق الجديد و الثالث و المتعهد منذ جوان 2021 لم يسمع أي طرف و لم يفتح الملف ابدا رغم الزيارات و الطلبات المتعددة و رغم تقديمنا لطلب تدخل للتفقدية …09 سنوات منذ فتح الملف التحقيقي…حوالي 56 صك بنكي مدلس متضرر على حافة الجنون…ملف تحقيقي منذ 2014…متهم بحالة سراح…
البارحة مرة أخرى… صباح الخير سيدي حاكم التحقيق…تفضل أستاذ. سيدي الرئيس المنوب ماعادش يستحمل….حددلنا موعد… فعل بطاقة الجلب….استدعى المنوب… بعد نقاش….الحاح.. يجي غدوة التسعة متاع الصباح
الو…..سي فلان غدوة التاسعة صباحا عندنا موعد مع التحقيق
ردة فعل هستيرية …ربي يفضلك أستاذ…بربي اش نقلوا؟ نقلوا راو دمرلي حياتي؟نقلوا راني ما نجمتوش؟ نقلوا راهوا من 2014 و أنا نجري وهو يستفز فيا و على راسوا ريشة؟
سي….غدوة نتقابلوا قدام التحقيق وونحكيوا.
اليوم 05 اوت 2022 التاسعة صباحا أنا في الكلوار قدام مكتب التحقيق… شبيه لتوة ما جاء….الوا (صوت موش متاع منوبي) …سامحني خويا غالط في النومرو ..نثبت لا هذا نومروه….نعاود الوا …الو…بربي موش نومرو سي فلان…أي هذا هو….بربي عديهولي…..شكون معايا….معاك مركز القصبة….معاك الاستاذ المدوري وينوا سي …..؟ استاذ منوبك يستناا في القهوة شارع باب بنات جاتوا سكتة قلبية …مات….
سامحني سي …..الله يرحمك….حقك تاخذوا في الاخرة….غادي ما فماش رجال اعمال….غادي ما فماش ملفات تبقى 10 سنين محلولة…. غادي ما فماش بطاقات جلب ما تتنفذش….غادي ما فماش تجريح…غادي ما فماش محامي عليك و إلا معاك خلف أعماله….. سامحني سي …. الله يرحمك….
للحديث بقية.
وكشفت مصادر بأن رجل الأعمال النافذ المتهم في ملف حال هو رئيس جمعية كرة قدم عريقة وهو متهم بالتحيل وتعلقت به عديد القضايا المنشورة من أجل التحيل والفساد واصدار صكوك بدون رصيد.
